Ali-A:ye Lígang
Ali-A:ye Lígang
Atsa:nam : Mo:píso Anu dítag a:yémílo mo:tag mo:taglo bangkí bangki gí:dí-sí:pém ope: opeyé borig sunamém ka:pa:dag. Édé gí:dí-sí:píkídí:dok ara:do du:dag tani: ope:lok turlod-silodé. Dírbí mé:boné taniyé édílokké anu dítag a:miloi aí aíké réngam ara:lo ménggé magésudanna gí:di-sí:píkidí:dém boríksuka:song, édé agomdém okoloksin naré:pé pa:mang. Arig-ísíng ila turra du:né réngamé arig ager gerabnam lédupé mé:po ménganna adír-du:dírém mitpansunam légangé yirman so:man imankolok gi:dí-sí:píkídí:sé lenkang émna lula:dag. Mising réngamé Ginmur po:lo a:míloi mé:bom sunam Ali-a:ye Lígangém aríg-ager adído í:r-pongkírpé to:dí-bi:riglo gerbomna ginamém ka:pa:dag.
Ligang Gi:di Lennam : Ali-A:ye Lígang gi:dí sí:pídé kapé lenka:ji odok do:yíngé Mibu a:ba:lo dung. Mibu a:ba:lok du:né do:ying abangko sémpé
Ru:né-pínébí mo:písém ru:lendodém turné-ngané takamém turnam légangé turnaném bitagai. Ngané-turné ope:lok tani:kídíngé aíké méngkampé turpa:la aso: aso:pé akoné akoném ménggéma:pé iropkang. Abí:né ame:ném aya:ma:pé, ame:né abí:ném pésogéma:pé lulingém lula, laglíngém lagligla irobnamé nénam panamé abala gíkang. Asi-among, ísíng-iling, simín-sike: atíkídíngém aíké méngkampé tani: opeye iri-sinnyom ibomnamé réngam ara:lo mé:po yogbomkang. Ge:mín-pamíné abakang.
